O Pleno do Concello das Neves aprobou este martes a composición dos colexios electorais para as Eleccións do 5 de abril ao Parlamento de Galicia. A partires destas eleccións, serán 7 as mesas coas que contará a vila, en cumprimento da normas legais que establecen o número de mesas en función do censo de votantes.
Deste xeito, votarán en San Xosé ás veciñas e veciños de Cerdeira, San Xosé e Santiago de Ribarteme. En Vide o farán as veciñas e veciños de Vide e San Cibrán de Ribarteme. No CEIP das Neves os residentes das Neves (Estación) e Setados. En Tortoreos os de Tortoreos e Liñares. As veciñas e veciños de Rubiós e Taboexa votarán nas mesas das súas parroquias e votarán en Santa Eulalia de Batalláns as veciñas e veciños de Santa Eulalia e San Pedro de Batalláns.
Dacordo coas normas legais, pechan as mesas electorais de Santiago de Ribarteme, Setados e San Cibrán ao non chegar o número de votantes ao mínimo de 200 persoas.
Para facilitar o desprazamento das veciñas e veciños o Goberno local decidiu acollerse á posibilidade que se establece na
normativa electoral de ofrecer servizos de transporte (autobús ou microbús) entre o lugar de votación e o de residencia do electorado, nas Parroquias de Cerdeira, San Cibrán, San Pedro de Batalláns, Santiago de Ribarteme e Setados.
Nos vindeiros días, cando a Xunta Electoral confirme os horarios solicitados para os autobuses, faranse públicos dende o Concello.
