Un ano máis, o Concello das Neves estivo presente no Culturgal, presentándose no espazo ofrecido pola Deputación de Pontevedra. A presentación, na que estivo o alcalde, Xosé Manuel Rodríguez,
correu a cargo de Rocío Barreiro, Concelleira de Cultura e Adrián González, director de cinema natural das Neves.
Na mesma púxose en valor o audiovisual nevés, lembrando a figura de José Gil e chegando ata os nosos días, con Adrián González.
Dende o venres pasado e ata este domingo, día 28 de novembro, o Recinto Feiral de Pontevedra acolle unha nova edición desta feira baixo o lema ‘A cultura que toca’. Culturgal reúne a máis dun cento de empresas do sector en 136 expositores y nestos días leva a cabo unha “intensa” programación con 115 actividades.
O Culturgal, que este ano recuperou o seu formato presencial, ten coma obxectivo facilitar e promover o contacto entre creadores e público, entre profesionais, entre empresas e institucións.
