O Concello vén de rexistrar As Neves na web ‘Vente a vivir a un pueblo’, unha plataforma que pon en contacto persoas interesadas en vivir nun espazo rural con lugares rurais nos que vivir.
Para o financiamento dos gastos da edición do vídeo promocional e do aloxamento na plataforma dixital durante un ano, por un total de 907,50 €, contouse cos fondos da liña 2 do Plan Concellos 2021 da Deputación de Pontevedra.
Esta acción forma parte do programa de desenvolvemento local #ViveNasNeves, iniciado polo Concello das Neves no ano 2020.