A Concellería de Ensino e Benestar Social e o Voluntariado das Neves veñen de entregar un total de 646 máscaras hixiénicas reutilizables para o alumnado de todos os centros de ensino: CEIP Marquesa do Pazo da Mercé, EEI de Rubiós e Taboexa, IES Pazo da Mercé e EFA A Cancela.
Trátase de máscaras homologadas baixo a norma UNE-0065:2020: Sen aberturas laterais, sen costuras verticais, con filtro de polipropileno apto para 50 lavados, e con tecido exterior e interior de algodón e tratamento anti-bacteriano. Tamén se poden esterilizar no autoclave a 120°C.
Ademais, foron entregadas tamén un total de 80 bolsas de tea a usuarios e usuarias do Centro de Día e ao profesorado dos centros de ensino.
O custo total do material entregado, que ascende a 4.748,11 €, foi sufragado polo Voluntariado, empregando os fondos reservados para Axudas de Emerxencia Covid-19 da conta bancaria “As Neves Zona 0”.
