A Concellería de Cultura, a través da financiación do ‘Plan Concellos 2020’ da Deputación de Pontevedra, pon en marcha unha nova edición do programa ‘Memoria das Neves’, esta vez adaptado á nova normalidade, a través das redes sociais.
Nesta ocasión, centrarase nas historias do Montesol, hotel, restaurante, cafetería e sala de festas polo que pasaron varias xeracións de veciños que, de seguro, poderán achegar historias, testemuñas e material gráfico a través da Rede.
Iranse publicando fotos que forman parte do arquivo de Alejandro Alonso, cedido ao Concello, co obxectivo de recoller as historias que hai detrás delas.
Con toda esa información realizarase unha exposición fotográfica por diferentes lugares, que se decidirán en función da evolución da situación sanitaria.
Podes seguilo e participar nas redes sociais de Facebook (Memoria das Neves) e de Instagram (@memoriadasneves).