Continúa o programa de ‘Cultura no Outono’ coa proxección do filme ‘O que arde’, este domingo 15 de novembro ás 19:00 h no Auditorio Municipal.
Esta obra estaba xa na programación do cinema de inverno, que fora adiada por mor da declaración do estado de alarma. Trátase do filme dirixido polo lucense Oliver Laxe, galardoado con numerosos premios, incluídos os Goya a mellor actriz revelación (Benedicta Sánchez) e mellor fotografía e ata seis premios Mestre Mateo.
• Debido á limitación do aforo, recoméndase realizar a reserva de asentos previamente no enlace: bit.ly/culturaoutono
• Para acceder ao auditorio será obrigatorio o uso de máscara.
