O Concello das Neves, quere facer público o seu total apoio ás reivindicacións do persoal do Centro de Día.
O apoio foi trasladado da man da Concelleira de Servizos Sociais, Pilar González, e do alcalde, Xosé Manuel Rodríguez, que, nunha visita ao centro se achegaron a escoitar e coñecer a situación laboral destas profesionais dependentes do Consorcio Galego da Igualdade e do Benestar.
Este colectivo, que leva 13 anos traballando na localidade, ten convocados paros de 8:00 a 11:00 h todos os xoves, de xeito indefinido.
O obxectivo das súas reivindicacións é a paralización da Oferta de Emprego Público (OPE) convocada pola Xunta, que afecta na súa maioría a mulleres entre 45 e 55 anos, para manter os servizos prestados coa maior calidade, especialmente neste momento, marcado pola Covid-19; e non perder os seus postos de traballo.
As traballadoras destacan e agradecen tamén o apoio recibido por parte das familias das persoas usuarias.