???????? O Concello das Neves lembra que o vindeiro 31 de maio finaliza o prazo para ter limpas as finca preto de vivendas fixado pola Xunta de Galicia.
Retirada de especies non permitidas como os eucaliptos
???? No que vai de ano o Concello notificou directamente a máis de 100 propiedades nas que é necesaria a limpeza das fincas ou montes e a retirada de especies arbóreas non permitidas como eucaliptos, piñeiros e acacias.
Convenio Seaga
☝️ Por outra banda, mediante o convenio con Seaga están a piques de rematar os traballos contratados de 2020 e agora realizarase a execución subsidiaria. Son un total dunhas 90 hectáreas que teñen que quedar limpas rodeando os núcleos de poboación das Neves, Tortoreos e Liñares.
????‼️ O Concello recorda a necesidade de ter en bo estado as parcelas para evitar incendios como o de 2017, e aproveitar a oportunidade de volver converter en produtivos ou protectores os terreos lindeiros ás vivendas e barrios.