O Entroido non quere despedirse, aínda que esteamos nunha situación tan peculiar como a da pandemia, que obrigou a suspender todos os actos en moitos concellos da xeografía galega ou, directamente, a non facer programación algunha.
Nas Neves, dende 2016, o Concello recuperou esta festa e fixo cada ano unha programación na que non faltaron os pasarrúas,concertos, bailes, desfiles, concursos de disfraces…e a queima da velutina, xa todo un emblema de seu do noso Entroido.
Ramiro, o carteiro, comezou a compoñer unha ‘coplas’ ou ‘chirigotas’, que en pouco tempo pasaron a ser parte esencial desta cita, mesmo un dos momentos agardados da diversión, da que tanto gozamos antes de ter a COVID forzase a aprazar tantas cousas.
Hoxe, Ramiro segue mantendo o espírito do Entroido. Aínda que non temos nin bailes, nin carozas, nin antefaces e non levamos outra máscara que esta para resgardarnos contra o contaxio, ‘o carteiro’ segue cantando, só ou facendo un dueto, agardando que o acompañemos bailando na casa, practicando para o ano que ben..ou, quen sabe se asustando coa música a este virus que moi cedo acabará no lume,coma a velutina.