O Concello das Neves ofrece un servizo de axuda para as familias con fillas e fillos en idade escolar e que non dispoñan de medios que lles permitan acceder aos contidos das tarefas que teñen que realizar neste período de confinamento por mor do Estado de Alarma decretado polo COVID-19. A iniciativa atende unha solicitude feita desde a ANPA do CEIP e faise despois de revisar un informe do propio centro.
As fotocopias dos traballos, que tamén se poden pedir telefonicamente, estarán dispoñibles para todas as persoas que as necesiten nos seguintes establecementos:
- Estanco As Neves (Almudena) 630 060 333
- A Librería do Xes (Aurora) 669 462 364
Co fin de garantir a igualdade de oportunidades a todo o alumnado do concello, aquelas familias que non poidan facerse cargo dos gastos deste material, poden chamar ao teléfono dos Servizos Sociais do Concello (986 667 134), onde recibirán indicacións para recoller o material de xeito gratuíto.
Este servizo está a disposición tamén do alumnado de Educación Secundaria, Bacharelato e Ciclos.