Blog
O Concello das Neves vén de ampliar o horario de atención telefónica do seu departamento de Servizos Sociais co obxectivo de “facilitar a atención a todas aquelas veciños e veciñas que o precisen”, cando enfrontamos a segunda semana de confinamento e logo de que estea previsto que este se alongue, cando menos, dúas semanas máis.
As persoas que o precisen poden establecen contacto chamando aos teléfonos 986 66 71 34 ou 689 98 42 10, en horario de 09:00 a 21:00 h. Tamén están abertos os enderezos electrónicos, para contacto por email, concello@asneves.gal e servizossociais@asneves.gal.
Esta medida súmase ás que está a impulsar o Goberno local ante a pandemia de coronavirus e que, entre outras iniciativas, xa en marcha, abranguen a entrega de mascarillas a todas as traballadoras e traballadores dos establecementos abertos nas Neves; a subministración de alimentos e medicinas o seguimento de veciños e veciñas maiores que viven soas, ademais de todas as que están a ser atendidas polos Servizos Sociais do Concello e as usuarias do Centro de Día, ou a información “a diario” sobre a necesidades, situación e funcionamento do Centro de Saúde.
No marco dos traballos e medidas establecidas polo Concello nestes días de crise, actualizamos a información para a Comisión de Seguimento e toda a Veciñanza.
As medidas máis importantes son o seguimento telefónico, o acordo coas farmacias, a ampliación de horarios de Servizos Sociais e a entrega de mascarillas a empregadas e empregados dos establecementos comerciais.
Como parte das medidas impulsadas dende o Goberno local das Neves, este luns comezou o reparto de ‘mascarillas’ no concello, destinadas a “todos os establecementos que están abertos ao público”, sinala a concelleira de Ensino e Benestar Social, Pilar González Casas.
As ‘mascarillas’, que foron doadas ao Concello das Neves, están sendo entregadas ás empregadas e empregados de supermercados, panaderías, gasolineiras, tendas, ferreterías, carnicerías ou farmacias que seguen a traballar estes días e que están extremando as súas medidas de protección para evitar o contaxio do COVID-19.
Estas medidas están, tamén, sendo reforzadas no propia casa do Concello e entre todas e todos os traballadores municipais que seguen a facer o seu labor e que dispoñen das mesmas, ademáis de luvas e desinfectante para as mans.
Esta iniciativa súmase ás que xa están en marcha para “minimizar todo o que poidamos” os efectos da pandemia do coronavirus, tanto polo que se atangue á protección, coma o “acompañamento, apoio e amparo a todas as veciñas e veciños, en especial a aqueles que viven sós e que, pola súa idade ou a súas circunstancias, son especialmente vulnerábeis”.
En base a iso, está a funcionar a subministración de alimentos e medicinas o seguimento de veciños e veciñas maiores que viven soas, ademais de todas as que están a ser atendidas polos Servizos Sociais do Concello e as usuarias do Centro de Día, e a información “a diario” sobre a necesidades, situación e funcionamento do Centro de Saúde.
Reparto no Supermecado de Taboexa
Foto ao chegar a unha das farmacias
Dentro das accións postas en marcha polo Concello das Neves para complementar as medidas fronte á pandemia de coronavirus, xa están en funcionamento a organización de quendas de persoal para atender o Concello e Servizos Sociais, (a porta pechada), recollida de lixo, limpeza así coma outros traballos no exterior, coma reparacións ou transporte de alimentos.
Subministración de alimentos e medicinas
Do mesmo xeito organizouse a actividade do Banco de Alimentos, mercando e repoñendo o imprescindible para subsistir estes días así coma o programa de entrega de comida, medicinas, “e outras necesidades urxentes na casa, a aquelas veciñas e veciños que as soliciten”, subliña a concelleira de Ensino e Benestar Social, Pilar González Casas.
Seguimento de veciños e veciñas maiores que viven soas
Nesta liña, o Concello, que vén de incorporar ao cadro de persoal de Servizos Sociais dúas persoas. Está a facer un seguimento telefónico de persoas maiores que viven soas e, “a diario, das que están sendo atendidas dende Servizos Sociais e as usuarias e usuarios do Centro de Día”.
Atención Temperá e Compartir e Vivir
O Concello mantén operativo telemáticamente o Servizo de Atención Temperá que está en funcionamento de 8 da mañá a 3 da tarde.
Na mesma liña, segue adiante, o programa de atención personalizada telefónica para as persoas integradas nos grupos sociocomunitarios das parroquias, de tal xeito que no que atangue ao programa “Compartir e Vivir”, haberá contacto cos seus participantes o luns, día 23, de 11:30 a 12:30h. polo que se refire ás veciñas e veciños de Setados; no mesmo horario, o martes, 24, aos participantes de San Cibrán e o xoves, 26, aos de Liñares.
No que se refire ao ‘Obradoiro de busca de Emprego’, o profesor segue a facer seguimento telefónico, e por correo electrónico, das tarefas dos seus compoñentes, e corríxense tarefas enviadas, coma curriculos ou cartas de presentación.
Seguimento do Centro de Saúde
A concelleira de Ensino e Benestar Social está a facer un seguimento “diario” sobre a necesidades, situación e funcionamento do Centro de Saúde. En relación con varias comunicacións de usuarios do mesmo, dende o propio centro sinalan que no caso das prescricións de ‘Sintrón’, os pacientes están a ser citados cada 10 minutos, cada un na consulta da súa enfermeira e médico, e se lles da o resultado de inmediato para que permanezan o menor tempo posible no centro, polo que en ningún momento hai xuntas na sala máis de dúas persoas e mantendo sempre a distancia de 2 metros entre elas e, por suposto, previa desinfección das mans.
Comunicación a Xunta e Goberno do Estado
Seguindo a necesidade de coordinación das actuacións e iniciativas das distintas administracións, o Concello das Neves informa puntualmente á Xunta de Galicia da medidas adoptadas a nivel local e, neste mesmo eido, xa ten enviado ao Goberno do Estado o ‘cuadrante’ de dispoñibilidade de espazos no que se refire ao Centro de Día.
Outras accións sobre as que se está a traballar
CONVOCATORIA BOLSA DE EMPREGO, CON CARÁCTER INTERINO, PARA POSTOS DE PERSOAL LABORAL DE AUXILIAR DE BIBLIOTECA, DO CONCELLO DAS NEVES (PONTEVEDRA)Descarga
AUTORIZACIÓNS EN RÉXIME DE CONCORRENCIA OU LICITACIÓN PÚBLICA MEDIANTE PLURALIDADE DE CRITERIOS DA PLANTA BAIXA DO MERCADO MUNICIPALDescarga
O Concello das Neves informa: #QuedaNaCasa #TempoNaCasa
As Neves pon en marcha un servizo que tenta paliar dificultades sociais, económicas ou de mobilidade derivadas do establecemento do decreto de Estado de Alarma a causa do Coronavirus, mediante a entrega no domicilio de bens de primeira necesidade.
Se padeces unha situación transitoria de necesidade ou coñeces alguén que pode precisar axuda. Contacta co departamento de Servizos Sociais do Concello no teléfono 986 667 134 (de 9 a 14hs) ou no mail servizossociais@asneves.gal
O Concello das Neves informa do Decreto de establecemento do Estado de Alarma.
Ver o Decreto BOE-A-2020-3692
O Goberno local das Neves decidiu este venres adiar a XXIX edición da Festa do Requeixo e do Mel (prevista para os vindeiros días 10 e 11 de abril) para o 11 de outubro.
A decisión adoptase para conter o avance do contaxio do coronavirus e en consonancia coas medidas aprobadas polas autoridades sanitarias.
Dende o Concello lémbrase que foron cancelados todos os actos, reunións e citas de lecer, deportivas, culturais, sociais e veciñais organizadas no concello dende onte, 12 de marzo, e ata novo aviso. Do mesmo xeito, tampouco haberá actividade ningunha nos centros municipais.
Queda limitado o acceso presencial ás oficinas do Concello e Servizos Sociais a aqueles trámites administrativos urxentes e/ou
imprescindibles; debendo optarse preferentemente pola xestión a distancia, chamando ao 986 64 80 38 ou accedendo á páxina web www.asneves.gal.
O Concello recomenda a todas as organizacións, asociacións, clubs e entidades que teñan previsto actos deste tipo, que tamén os desconvoquen.
Ademais, aconséllase a toda a poboación que faga só os desprazamentos estritamente necesarios e siga os consellos de hixiene recomendados polas autoridades sanitarias.
