O programa da Deputación de Pontevedra que combina paddle surf e caiac, conta cunha nova actividade este sábado 28 de agosto, ás 11:00h, na Área Recreativa de Santa Mariña.
“Depo Auga” está dirixido ás persoas amantes dos deportes da natureza e aventura e participan nestas travesías guiadas- de aproximadamente unha hora e media de duración- grupos de persoas maiores de 18 anos, ou menores (mínimo 12 anos) acompañados pola súa nai, pai, titora ou titor.
As e os participantes, xa previamente inscritos, deberán desprazarse ao lugar de inicio da actividade, onde recibirán información sobre o funcionamento do programa e entregaráselles todo o material necesario para as actividades.
Haberá 4 quendas de 14 participantes. Dúas serán de mañá e dúas de tarde cunha duración aproximada de unha hora e media
O deputado delegado de Deporte, Gorka Gómez, e os tenentes de alcalde das Neves, Marcelino Couto e Óscar González, darán a saída aos participantes.