O 8M de 2021 estará profundamente marcado pola pandemia. Con isto, e conscientes da importancia do ‘Día Internacional da Muller’, dende o Concello desenvolveuse un programa denominado “Mulleres das Neves”, coordinado por Patricia Maquieira.
Dixo Virginia Woolf que “En moitas ocasións na historia, ‘Anónimo’ foi unha muller”. Por esta razón, con este proxecto trotouse de visibilizar a mulleres, no noso día a día por excelencia, mulleres neste caso emprendedoras, que teñen un negocio nas Neves.
Son un total de 15 mulleres que rexentan diversos establecementos de alimentación e produtos agrícolas, panaderías, estancos, librerías, perruquerías, tendas de roupa, unha xestoría e unha clínica dental.
Unha serie de imaxes para os seus establecementos e un vídeo final que se
publicará nas redes sociais.
A entrega das fotos en tamaño A1 e cartón pluma, así como a proxección en primicia do vídeo, será este domingo 7 de marzo no Auditorio Municipal ás 12:00 h; nun acto a porta pechada ao que só asistirán as participantes no programa e as e os representantes do goberno local.