O Concello intensifica a desinfección en todo o seu territorio

A labor desenrolada para a desinfección realizada nos lugares máis transitados-coma gasolineiras, farmacias, supermercados, panadarías, bancos, parada de taxis, tendas, o Centro de Saúde, prazas ou a oficina de Correos-, ademais de todos ós edificios públicos- seguiu esta pasada fin de semana a das illas e contedores do lixo, repartidos por 331 puntos das Neves.

O traballo realizouse este sábado por parte de persoal do Concello dende as 9 da mañá ata as 7 e media da tarde, en máis de 250 lugares nos que están situados os colectores na práctica totalidade das parroquias. Os contedores que quedan pendentes estarán tamén desinfectados nos vindeiros días e, segundo subliña o concelleiro de Servizos Públicos e segundo tenente de alcalde, Óscar González, “é un traballo que se repetirá as veces que sexa necesario para que diminúa ao máximo calquera risco que puidese existir de contaxio ao deixar o lixo”.

Área de reciclaxe na praza do Cruceiro

Na mesma liña,  tamén fíxose unha limpeza a fondo dos composteiros comunitarios, situados na rúa Esperanza, diante da Casa da Xuventude, no aparcadoiro situado diante do Cemiterio, no Colexio e na rúa Marquesa do Pazo da Merced.

Os mesmos representan, agora máis que nunca, unha inmellorábel alternativa para depositar o material orgánico, evitando que estes restos estea no colector verde, reducindo aínda máis as posibilidades de contaxio, dada a súa seguridade, a vixilancia e a limpeza constante e o feito de que estean controlados de cote polos mestres compos