O vindeiro martes 4 de maio, terá lugar ás 20:00 h unha nova sesión ordinario do Pleno Municipal das Neves.
???????????? Será retransmitido en directo a través das canles oficiais do Concello As Neves.
Blog
A Xunta de Goberno Local vén de aprobar o proceso de licitación que recae na empresa ‘Atendo Calidade S.L’. Este proceso adxudica un contrato por 3 anos coa posibilidade de prórrogas de 1 ano ata un total máximo de 5 anos.
A empresa ‘Atendo Calidade S.L.’ ofertou os servizos por un prezo base de licitación de 302.648 euros anuais e obtivo a máxima puntuación nos criterios de melloras do contrato. Melloras relacionadas con axudas técnicas (grúas, camas articuladas, andadores, etc.), formación ás
coidadoras e profesionais, bolsa de horas adicional, etc.
O Concello das Neves fai unha elevada inversión neste servizo, que despois da última actualización, no ano 2021 experimentou un aumento que supuxo unha subida do 23 % de gasto nesta materia dentro do orzamento municipal.
Unha vez máis, o Concello lembra que se trata dunha competencia impropia, e reclama á Xunta e ao Estado o financiamento completo deste servizo.
Dende principio deste mes de abril, está activo un novo servizo de Información e Asesoramento en Saúde Mental, xestionado pola área de Servizos Sociais, e atendido por un psicólogo e unha psicóloga
da Asociación “Avelaíña”, a través dun convenio de colaboración establecido entre esta asociación e o Concello.
Preténdese contribuír a frear o agravamento dos problemas de saúde mental na poboación xeral a causa da crise sanitaria da COVID-19, a través de información sobre os diferentes recursos e/ou procedementos vinculados á saúde mental, e o asesoramento ou posta en contacto co
persoal idóneo que poida atender a cada problemática particular, co obxectivo final de favorecer a mellora das persoas e a súa integración social comunitaria.
✅ As actividades a desenvolver serán:
???? Recepción de demandas e recollida de información.
????Información e asesoramento en función da demanda.
????Coordinación con outros recursos.
???? Derivación a outros recursos/servizos.
✅ O servizo funcionará entre os meses de marzo e decembro, e ofrecerase un día ao mes, en horario de mañá, nas dependencias de Servizos Sociais.
☎️????????Para solicitalo, as veciñas e veciños das Neves poden contactar con Servizos Sociais chamando ao teléfono 986 66 71 34 ou escribindo un correo electrónico a servizossociais@asneves.gal.
O Goberno local aprobou o pasado 13 de abril as bases de axudas municipais para asociacións sen fins de lucro e comunidades de usuarios de augas de consumo, por un valor total de 44.250,00 €.
???? Trátase de cinco liñas diferentes de axudas, todas elas en concorrencia competitiva:
???? 1. Subvencións municipais ás Comunidades de Usuarios de Augas de Consumo do Concello das Neves para a realización de melloras das instalacións durante o ano 2021, cun orzamento total de 20.000 €.
Bases axudas comunidades de augas
Publicación no Boletín Oficial da Provincia
Formularios:
Comunidades de Augas Solicitude Subvención (Formulario 1)
Comunidades de Augas Conta xustificativa de gastos (Formulario 3)
Comunidades de Augas Certificación para a xustificación das subvencións (Formulario 4)
???? 2. Subvencións municipais a entidades sen fin de lucro e deportistas individuais do Concello das Neves para a realización de actividades deportivas durante o ano 2021, cun orzamento total de 2.500 €.
Bases axudas a asociacións ou clubes deportivos
Publicación no Boletín Oficial da Provincia
Formularios:
Actividades deportivas Solicitude de subvención (Formulario 1)
Actividades deportivas Conta xustificativa de gastos (Formulario 3)
Actividades deportivas Certificación para a xustificación das subvencións (Formulario 4)
???? 3. Subvencións municipais a entidades sen fin de lucro do Concello das Neves para a realización de actividades culturais durante o ano 2021, cun orzamento total de 16.750 €.
Bases axudas a asociacións culturais
Publicación no Boletín Oficial da Provincia
Formularios:
Actividades culturais Solicitude de subvención (Formulario 1)
Actividades culturais Conta xustificativa de gastos (Formulario 3)
???? 4. Subvencións municipais a entidades sen fin de lucro do Concello das Neves para a realización de actividades de promoción e dinamización comercial, e para a dixitalización do comercio retallista durante o ano 2021, cun orzamento total de 2.500 €.
Bases axudas a asociacións comerciais
Publicación no Boletín Oficial da Provincia
Formularios:
Actividades promocion do comercio Solicitude de subvención (Formulario 1)
Actividades promocion do comercio Conta xustificativa de gastos (Formulario 3)
Actividades promocion do comercio Certificación xustificación das subvencións (Formulario 4)
???? 5. Subvencións municipais a entidades sen fin de lucro do Concello das Neves para a realización de actividades sociais durante o ano 2021, cun orzamento total de 2.500 €.
Bases axudas a asociacións para actividades sociais
Publicación no Boletín Oficial da Provincia
Formularios:
Actividades sociais Solicitude de subvención (Formulario 1)
Actividades sociais Conta xustificativa de gastos (Formulario 3)
Actividades sociais Certificación xustificación das subvencións (Formulario 4)
???? O prazo de presentación de solicitudes estará aberto durante un mes dende o día seguinte á súa publicación no Boletín Oficial da Provincia (BOPPO).
Nas últimas semanas veñen de rematarse proxectos de accesibilidade en diferentes barrios de tres parroquias: A Capela e Outeiro en San Pedro de Batalláns, Leiradiño en Taboexa e tamén Piñeiro e Porteliña en San Cibrán.
Plan de Mellora de Accesibilidade das Neves
Os traballos, integrados no Plan Integral de Mellora da Accesibilidade no Concello de As Neves 2019-2023, consistiron na creación da capa de rodadura, mellora e reconstrución de muros, ampliación de accesos e incluso a instalación de saneamento nalgúns casos.
Estas actuacións, cunha inversión de máis de 70.000€, foron financiadas a través do Plan Concellos 2020 da Deputación de Pontevedra.
Prioridade da accesibilidade e mobilidade
O Concello de As Neves ten unha profunda conciencia e compromiso, sobre a urxente necesidade de resolver diversas problemáticas existentes ao longo do termo municipal, en materia de accesibilidade e mobilidade. Isto leva a que durante este mandato siga desenvolvéndose o proxecto de accesibilidade e mobilidade en tódalas parroquias.
Durante o ano 2021 están previstos traballos encadrados no Plan Integral de Mellora da Accesibilidade a vivendas en Rubiós, Santiago de Ribarteme e Tortoreos.
Proceso para a selección de persoal temporal financiado con fondos do Plan Concellos de 2021 da Deputación de Pontevedra.
Data e hora para a proba práctica do posto de FONTANEIROS/AS
Resultado da selección dos postos de fontaneiros
Data e hora da proba práctica para a selección dos postos de PEÓNS FORESTAIS E DE OBRAS
Resultado da selección de peóns forestais
Resultado da selección de peóns de obras
Resultado da selección de condutor/a operador/a de maquinaria
Resultado da selección de monitor/a de servizos a comunidade
Resultado da selección de peóns de recollida do lixo
BASES PARA A SELECCIÓN DO PERSOAL
Datos sobre os postos de traballo:
- Duración: 10 MESES (do 1 de marzo ao 31 de decembro de 2021), xornada completa:
1 Condutor/a-operador/a de maquinaria (código CNO 83221013)
1 Monitor/a de Servizos á Comunidade (código CNO 37151047)
2 Peóns de recollida de lixo (código CNO 94411010)
- Duración: 9 MESES (do 15 de marzo ao 15 de decembro de 2021), xornada completa:
2 Peóns de obras públicas (código CNO 96011029)
2 Peóns forestais (código CNO 95431028)
- Duración de 6 MESES (do 1 de maio ao 30 de outubro de 2021), xornada completa.
2 fontaneiros/as (código CNO 72211012)
A partir das 00:00 h. deste venres 23 de abril, As Neves volve estar no nivel medio-baixo de restricións, segundo a orde da Xunta publicada no Diario Oficial de Galicia (DOG) Núm. 74-Bis, do mércores 21 de abril de 2021 que podes consultar en ???? https://bit.ly/3sOMzEJ
✅ O principal cambio afecta ao aforo na hostalería que volve ser do 50% no interior e do 75% no exterior.
???????? Lembramos que se manteñen o ‘toque de queda’ entre as 23:00 h e as
06:00 h, e o peche perimetral da comunidade.
➡️Aquí podes consultar o detalle completo de todas as medidas: https://bit.ly/32AuaAu
Este 22 de abril, cómprense 100 anos do falecemento de Purificación Fontán e Pérez-Palma, coñecida como a Marquesa do Pazo da Mercé, unha das personaxes máis influintes na historia da educación da vida das Neves.
Coincidindo con esta data, o Concello leva a cabo a cesión dos cadros da Marquesa que se atopaban nas dependencias municipais, e que pasarán a estar nos centros de ensino promovidos por ela: a actual EFA A Cancela e o IES Pazo da Mercé.
Ademais, para conmemorar este fito, arredor da data do centenario levaranse a cabo un programa de actividades que involucran o Concello e os centros de educación impulsados por Purificación Fontán: o pasado luns, día 19, tiveron lugar unhas sesións de formación sobre a Marquesa a alumnado do IES Pazo da Mercé e da EFA A Cancela a cargo de Manuel Álvarez Rodríguez, veciño de Rubiós, e un dos máis importantes estudiosos da cultura, os costumes e a historia das Neves.
Este mércores, día 21 de abril, as alumnas e alumnos do CEIP Marquesa do Pazo da Mercé visitan o IES Pazo da Mercé e á EFA A Cancela. O xoves, día 22: Xornada de portas abertas da EFA A Cancela de 9:30 h a 11:00 h e de 16:00 h a 18:00 h.
Xa o sábado,día 24, ás 12:00 h, será o acto institucional de cesión dos cadros da Marquesa, propiedade do Concello, ao IES Pazó da Mercé e a EFA A Cancela. Será retransmitido en directo a través das redes sociais do Concello das Neves. De seguido inaugúrase a Exposición de fotografías e documentación; a continuación a conferencia de Ignacio Pérez-Blanco, autor do libro “El palacio de Elduayen”,e pecharase o acto cunha actuación musical.
Ao mesmo tempo, ao longo de todos estos días anteriores á celebración do aniversario, nas redes sociais municipais está en marcha un ‘xogo’ de preguntas e respostas, interactivo, para achegar ás veciñas e veciños a personalidade e traxectoria vital de Purificación Fontán e a súa pegada na vida e na historia das Neves
Os concellos de Ponteareas e As Neves están levando a cabo conxuntamente unha nova edición dun obradoiro de emprego que consta de dúas áreas: a de traballo socio-sanitario e a de traballo forestal.
Os obxectos de actuación práctica para a súa execución no desenvolvemento do proxecto son: axudar ao Servizo de Axuda a Domicilio do Concello das Neves, para diminuír a lista de espera; complementar o servizo da residencia municipal da terceira idade; crear un parque forestal para uso público en Ponteareas e un arboreto na Chan de Vide, e rehabilitar espazos verdes como parques forestais para facilitar aos veciños un punto de encontro para o desenvolvemento de actividades o aire libre.
Un total de 20 alumnos dos dous concellos están a formarse neste obradoiro, que ten unha duración de 9 meses, durante os que as e os participantes reciben os salarios correspondentes aos seus postos.
O obradoiro está sendo financiado pola Consellería de Emprego con 346.946 euros.
O 23 de abril de 1995 celebrouse por primeira vez o ‘Día do libro’ para fomentar a lectura. Este ano, o Concello das Neves conmemora este día organizando unha pequena feira do libro na praza do Concello entre as 10:00 h e as 13:00 h.
Estarán alí as librerías das Neves: Estanco e Librería do Xes, Librería Uróboros. Estanco da Plaza Estará no seu establecemento habitual na Praza Maior.
Haberá sinatura de libros por parte de tres mulleres escritoras da nosa comarca: Mar Míguez (As Neves), Hortensia Bautista (Ponteareas) e Raquel Castro (Salvaterra).
Tamén haberá un posto de libros de segunda man gratuítos.
Ademais, o Concello editou un marcapáxinas conmemorativo do día do libro e do centenario do falecemento da Marquesa do Pazo, que se estará dispoñible en todos os postos.