Blog

O Servizo Galego de Saúde (Sergas) confirma que seguimos cun só caso rexistrado de COVID-19 nas Neves.

Este martes recibimos a doazón dun lote de rosquillas da Asociación San Roque de Leirado para o Banco de Alimentos.

As oficinas de Correos das Neves e de Arbo ofrecéronse para facer chegar, a través dos seus carteiros e carteiras, o material do alumnado do IES Pazo da Mercé e calquera outra cousa do concello, tendo que ser comunicado coa anterioridade suficiente e aprobado pola xefatura das oficinas. Mostraron, ademais, a súa disposición a colaborar, na medida das súas posibilidades, e contando coa autorización previa das súas xefaturas.

Entrega de cinco portátiles a alumnado do IES Pazo da Mercé que lles cede en uso o propio centro para poder realizar os seus traballos.

A finais desta semana levaranse aos establecementos abertos ao público mascarillas infantís para as nenas e nenos da escola infantil e para o alumnano da ESO do IES Pazo da Mercé.

A Xunta vén de publicar no Diario Oficial de Galicia (DOG) deste martes, día 28 de abril, unha nova normativa que afecta ás persoas que teñan cultivos ou viñedos para o seu propio consumo e que debe de seguirse mentres dure a situación de crise sanitaria poro COVID-19

• As persoas que teñan cultivos ou viñedos considerados de autoconsumo, poderán realizar os desprazamentos mínimos e imprescindibles para o mantemento e atención dos devanditos cultivos e viñas sempre que o desprazamento se realice dentro do mesmo termo municipal ou, de realizarse a outro termo municipal, que non supoña unha distancia superior a 5 km da súa vivenda habitual. 
• En ningún caso poderá haber máis de dúas persoas no predio, as cales deberán respectar en todo momento as distancias de seguridade e demais protocolos de prevención establecidos pola autoridade sanitaria.
• En relación coa acreditación da necesidade de desprazamento, as actividades agrarias consideradas de autoconsumo poderanse realizar coa presentación do carné de aplicador/manipulador de produtos fitosanitarios. No caso das persoas viticultoras, poderán acreditalo co carné de aplicador/manipulador de produtos fitosanitarios ou coa tarxeta de rexistro dispensada polo Consello Regulador da Denominación de Orixe cando se dan de alta nos rexistros.
• As persoas que teñan cultivos ou viñas de autoconsumo deberán levar consigo unha declaración responsable que comprenda os predios nos cales levan a cabo eses cultivos.DECLARACION RESPONSABLE

Segundo comunica o Centro de Saúde das Neves, todas as probas PCR e test rápidos realizados este luns, saíron negativas, polo que seguimos cun só caso rexistrado de COVID-19 no concello.

Hoxe e mañá estase a realizar a entrega de alimentos nos domicilios das persoas beneficiarias do Banco de Alimentos.

En relación co Banco de Alimentos, vén de comprarse un arcón conxelador  co fin de poder abastecernos do peixe conxelado ofrecido pola empresa Mascato de Salvaterra de Miño.

Seguindo coa colaboración co IES Pazo da Mercé, mañá, martes, se realizará a entrega de cinco ordenadores máis entre o alumnado.

Tamén desde este martes, recollererase o material do alumnado das escolas unitarias de Rubiós e Taboexa e entregaráselle nos seus domicilios, xunto cunha mascarilla infantil.

Correos púxose a disposición do Concello para achegar o material que fose necesario ás veciñas e veciños das Neves de xeito gratuíto.

Normas que regulan as saídas controladas dos nenos e nenas ata os 14 anos a partir deste domingo, 26 de abril.
 

As Neves segue cun so caso rexistrado de COVID-19.

Dende o Concello fixemos entrega dos libros e o demais material escolar ao alumnado do CEIP Marquesa do Pazo da Mercé, no seu domicilio. Xunto co contido mencionado, o Concello proporcionoulles mascarillas reutilizables de tipo infantil, adaptadas á súa idade (0-6 anos e 7-12 anos) que poderán utilizar a partir do domingo 26 para saír da casa.

O Concello impulsa o seminario en liña “Por unha boa escola en tempo de Coronavirus”, este sábado, día 25, de 19:00 a 21:00h, impartido por Francesco Tonucci, pedagogo, creador do proxecto da rede de “Cidades dos Nenos” da que forma parte o Concello das Neves.

O plantexamento do mesmo é o de aproveitar a situación paragóxica creada por esta pandemia para imaxinar un cambio. Aproveitar a familia e a casa coma unha escola distinta, sen clases e sen deberes. Intentando respectar a lei, artigo 29 da Convención de Dereitos do Neno que di: “a educación do neno deberá estar encamiñada a desenvolver a personalidade, as aptitudes e a capacidade mental e física do neno ata o máximo das súas posibilidades”.

O seminario está estruturado nos temas:

o   A casa como taller tecnolóxico

o   A cociña como laboratorio de ciencia

o   A natureza nas macetas

o   A lectura, o teatro familiar

o   A historia dentro do caixón

o   A literatura: o diario segredo

o   Os vídeos feitos na casa

o   Xogar, non só videoxogos

o   A casa como escola e os pais como asistentes

A Inscrición pode facerse entrando en: https://bit.ly/3aBtHj4

O Servizo Galego de Saúde (Sergas) indica que As Neves segue cun so caso rexistrado de COVID-19.

Este xoves levouse adiante unha nova reposición de mascarillas nos establecementos abertos ao público, tanto para protexer ás persoas que traballan neles, como para que as veciñas e veciños do concello que o precisen, poidan pedir mascarillas hixiénicas reutilizables.

Na recollida de mascarillas de hoxe, incorporáronse tamén as de tipo infantil, destinadas á poboación de menor idade, que a partir do domingo pode saír da casa.

Tamén se fixo a entrega do material do alumnado do CEIP coa colaboración do Centro e da ANPA. Este material será levado, aos seus domicilios, xunto cunha mascarilla de tipo infantil.

A colaboración do Concello co IES Pazo da Merced fixo posible a entrega de 10 ordenadores no domicilio de alumnado  que o propio centro decidiu deixar en préstamo para facilitar o seguimento do traballo académico.

O Servizo Galego de Saúde (Sergas) indica que seguimos cun só caso de COVID-19 nas Neves.

Información sobre a actividade do Banco de Alimentos: 
Repartíronse este mércores a 16 familias varios lotes de alimentos de ‘Amigos de Galicia’, engadíndolles doazóns das veciñas e veciños do concello.
Vén de encargarse un arcón conxelador, para poder gardar o peixe conxelado, que nos ofrece a empresa Mascato de Salvaterra de Miño.
Realizáronse as xestións para poder recibir paquetes de arroz que doa a organización ‘Albufera Foods’.
Agradecemos a súa doazon ao supermercado Aliprox das Neves.
Colocáronse carteis e folletos informativos nas áreas de reciclaxe e nos establecementos abertos ao público con datos de contacto do Concello e de Servizos Sociais, ademais de información do Banco de Alimentos colaborativo, e da confección de mascarillas e batas solidarias, así como, información de utilidade sobre as mascarillas hixiénicas confeccionadas na casa que distribúe o Concello.

O Concello recibiu o seguinte material da Xunta: 2 bidóns de 5 L de desinfectante, 3 botes de xel, 5 caixas de mascarillas debotables, 3 caixas de luvas e 4 monos.

O Servizo Galego de Saúde (Sergas) informa de que seguimos cun só caso de COVID-19 nas Neves.

Actualmente, no Centro de Saúde se prestan os seguintes servizos:
Consulta telefónica e, de ser preciso, persoal.
Tratamento con Sintrom por cita.
Analíticas solicitadas polos servizos médicos como urxentes.
Pediatría por teléfono e, de ser preciso, presencial.
Enfermería.

O Concello segue repoñendo mascarillas nos establecementos abertos ao público de todo o concello para que as aquelas persoas que o precisen, poidan solicitalas. A finais desta semana tamén disporemos de mascarillas para as nenas e nenos.

A partir do venres será entregado nos domicilios do alumnado do CEIP Marquesa do Pazo da Mercé, unha bolsa cos libros e o material que está no centro, así como unha mascarilla. Este traballo será levado a cabo por persoal do Concello, se ben previamente contouse coa colaboración do equipo directivo, o profesorado e a ANPA do Centro. Tamén se fará o mesmo co alumnado das escolas de Taboexa e Rubiós.